EASPD
Dende o ano 2019, COGAMI é unha das entidades membro da Asociación Europea de Provedores de Servizos para Persoas con Discapacidade (EASPD), unha organización non gobernamental sen fins de lucro no sector da discapacidade, que promove as opinións de máis de 17.000 servizos sociais e as súas asociacións paraugas.
Calcúlase que en Europa hai máis de 80 millóns de persoas con discapacidade, polo que obxectivo principal de EASPD é promover a igualdade de oportunidades a través dos sistemas de servizos eficaces e de alta calidade.